Solna vill fá Sigurð sem þjálfara

Sænska körfuknattleiksliðið Solna hefur rætt við Sigurð Ingimundarson landsliðsþjálfara og þjálfara úrvalsdeildarliðs Keflavíkur með það fyrir augum að fá sem þjálfara fyrir næstu leiktíð. Sigurður staðfesti í samtali við mbl.is að hafa fengið tilboð frá félaginu og það myndi skýrast á næstu dögum hvort hann tæki því eða ekki.

,,Menn frá Solna höfðu samband við mig nýlega og ég mun heyra betur í þeim í vikunni. Ég ætla að kanna með jákvæðum huga og fer ekkert leynt með það að ég hef stefnt á að komast einhvern tímann til útlanda að þjálfa og Svíþjóð gæti verið fínn staður til að byrja á,“ sagði Sigurður í samtali við mbl.is í morgun.

Solna varð í öðru sæti í sænsku úrvalsdeildinni á síðustu leiktíð en liðið hampaði meistaratitlinum á síðasta ári og hefur verið í fremstu röð undanfarin ár. Finninn Pekka Salminen hefur stýrt liðinu undanfarin ár en hann hefur ákveðið að hætta.

Sænska körfuknattleiksliðið Solna hefur rætt við Sigurð Ingimundarson landsliðsþjálfara og þjálfara úrvalsdeildarliðs Keflavíkur með það fyrir augum að fá sem þjálfara fyrir næstu leiktíð. Sigurður staðfesti í samtali við mbl.is að hafa fengið tilboð frá félaginu og það myndi skýrast á næstu dögum hvort hann tæki því eða ekki.

,,Menn frá Solna höfðu samband við mig nýlega og ég mun heyra betur í þeim í vikunni. Ég ætla að kanna með jákvæðum huga og fer ekkert leynt með það að ég hef stefnt á að komast einhvern tímann til útlanda að þjálfa og Svíþjóð gæti verið fínn staður til að byrja á,“ sagði Sigurður í samtali við mbl.is í morgun.

Solna varð í öðru sæti í sænsku úrvalsdeildinni á síðustu leiktíð en liðið hampaði meistaratitlinum á síðasta ári og hefur verið í fremstu röð undanfarin ár. Finninn Pekka Salminen hefur stýrt liðinu undanfarin ár en hann hefur ákveðið að hætta.

Athugasemdir

[Adam Eiður (IP-tala skráð) 16.6.2009 kl. 20:50]

Það væri alla vega betra að hann væri ekki í Keflavík, svo ég vona að hann fari til Solna
P.s.Njarðvík verða bestir næsta tímabil
Kv. Adam Eiður